Deskribapena
Tamaina ertaineko tximeleta, Nymphalidae Familiakoa. Bere kolorazioa laranjatua da orban ilunekin gainaldean, azpialdean iluna da kolorazio marroi eta arrearekin. Bere biologia zumar eta sahatsei loturik dago, horien hostoez elikatzen baitira bere beldarrak.
Banaketa
Arro mediterraneotik (Europaren hegoaldea eta Afrikaren iparraldea) Eskandinaviako hegoalderaino eta ekialdetik Caspio itsasoraino, Himalaia mendizerraraino. Iberiar penintsula osoan dago, bere HM erpinean izan ezik. Nafarroaren ipar erdian azaltzen da, baina populazio txikietan beti.
Habitata
Hosto galkorreko baso zaharrak, ibai ertzeko basoak.
Kontserbazio egoera
Ez da azaltzen Espainiako Liburu Gorrian, baina bere presentzia gero eta urriagoa da.
Mehatxuak
Baso zahar eta ibai ertzetako basoen desagertzea. Zumarrak jasaten duten grafiosis izeneko gaixotasunak ere kalte handia eragin die beren populazioei.
Kontserbaziorako ekimenak
Hosto galkorretako basoen kontserbazioa eta errekuperazioa.
