Deskribapena
Karpoforo faszikulatua, bihurria, ahula, hainbat klaba independentez osatua 5-10 altueran, oso hestuak, oinarrian batuak baina hazkuntza indibidualarekin, koral antzerakoa (forma zilindrikoa, fusiformea edo klabiformea), beti mutur aldera estutzen da. Kolorazioa oso aldakorra da, okre-argia, gris-arrea, hori-larru kolorekoa, arre-iluna heldu fasean, baina inoiz zuria. Hankarik gabea eta haragia oso ahula da, batik bat karpoforoak hutsuneak dituztelako, gauzak honela oso hauskorra da. Barne aldetik kolore argiagoa du, ia zurixka izateraino. Ia ez du usairik eta zaporea nahiko suabea da.
Banaketa
Ipar Amerika eta Eurasian zehar barreiatzen den espeziea, gune batzuetan oso espezie ugaria. Eskualdean, isurialde kantauriarrean leku gutxi batzuetan aurkitu da.
Habitata
Larre, belardiak. Altuera baxuko guneak, hezeak, goroldioekin, zuhaitzetatik gertu. Udazken amaieran gorpuzten dira.
Kontserbazio estatusa
Onddo mehatxatuen liburu gorrian barneratuta dago, Galzorian kategorian.
Mehatxuak
Larre eta belardiak ongarritzeko egun erabiltzen diren teknikak eremuaren kalitatean eragiten du, gauzak honela espeziearen habitat potentziala degradatzen ari da eta ondorioz populazio guneen arteko zatiketa areagotuz doa.
Kontserbaziorako ekintzak
Printzipioz ez dira kudeaketa ekintzak gauzatu, espeziearen egoerak hobera egin dezan dibertsitate altuagoko larre edo belardiak mantentzea garrantzizko zeregina izango litzake.
